為杜如風平反 ： 「做返自己」

杜如風主持旅遊節目，近日成為城中話題，被網民批評其「個人風格」，又指咬字不正，其至要求腰斬：不過，亦有不少人為杜如風平反，指她早年主持旅遊日本的節目獨樹一格，且一個節目質素，也不是全歸咎於主持人，對杜如風的評價，你又有什麼看法？

「博客」Kenneth Kwok在其網誌為杜如風被鬧爆平反：

「熱話」

因為一套 TVB嘅全新旅遊節目《流行首爾》令杜如風嚟個主持特然爆紅，仲變成全港熱話。當然，好多人唔知佢係邊個，因為對個班淨係睇 TVB嘅觀眾嚟講，佢哋都係第一次係 TVB嘅節目登場。所以無人識得佢！其實杜如風其父親係嘉禾電影公司宣傳部經理杜惠東，仲有傳聞話佢係 2007年同本地歌手黃又南拍拖，但係戀情只係維持一年便告終。

「鬧爆」

我其實係杜如風主持《流行東京》嘅時候已經有睇開佢。當時真係無咁反感，仲覺得幾好睇。之後到佢主持嘅《風行全世界》亦都有捧場。或者佢當時後生同製作方法唔同，所以佢大癲大肺都無問題。點知一返到嚟 TVB，除咗即刻被觀眾挑剔個樣之外，仲俾人話「港女」，「物質主義」，「曬命」，等等。講真佢真係變咗好多同殘咗好多。或者人大咗，認真覺得比以前做《流行東京》個陣時差咗好多，搞到我都鬧埋一份。

「評論」

當然好多人話希望TVB腰斬個節目，仲話希望播返「叮噹」。講真，今日嘅「杜如風」唔係惜日嘅「杜如風」。人大咗，雖然話做返自己，但係年齡上真係唔可以再行嚟條路線。我可以講嘅係今次杜如風無咗以前《流行東京》同《風行全世界》個種風格，好明顯係大台嘅問題。另外，觀眾群組唔同晒，接受能力唔同，未必可以一如以往用以前嘅方法去主持。點都好今輯《流行首爾》嘅杜如風我真係頂唔順，嚟鑊 TVB都害得你慘啦。。。

杜如風在接受傳媒訪問時亦回應指自己多年來旅遊節目風格,都是「做番自己」、「傻傻地癲癲地」,「即場爆肚」，之前在fb亦留言表示「做回自己」：

▲ 相片來源：杜如風 fb

懂我的人，就自然會懂我，不懂我的人,就與我無關!!!

對於杜如風主持旅遊節目風格，你又有什麼評價？